apple_01.jpg

以Revo為首嘅Linked Horizon假九展開騷兩場。

日本超人氣動漫作品《進擊的巨人》大受歡迎,為動畫版創作及演唱主題曲嘅Linked Horizon日前首度在港舉行香港騷,一連兩日假九展Star Hall首度以歌會港迷。

以Revo為首嘅Linked Horizon包辦《進擊的巨人》多首歌曲,當中嘅主題曲《紅蓮之弓矢》及《獻出心臟》同樣深入民心。Linked Horizon展開亞洲巡唱,香港一站吸引大批巨人迷支持,當佢表演時台上配以播放動畫片段,唱出《獻出心臟》時,團長Revo擺出巨人個獻出心臟甫士,當唱《神之偉業》時,佢又叫全場歌迷手翹手擺城牆教嘅祈禱甫士,氣氛熱烈。
開騷期間,Revo亦有講廣東話,而早前8月,Revo來港宣傳卻撞正打風,導致原定到西九龍中心舉行嘅發佈會因颱風而被迫取消,佢重提上次見唔到歌迷大嘆可惜。

apple_02.jpg